اليوم حبيت اطلع شوي من جو القصص اللي دخلتكم فية
حبيت اتكلم عن موقف صار جدامي من فترة..
يوم الخميس من شهر 3 ..
كان فية ازدحام من الاطفال وامهاتهم..
قطيت اختي وعيالها للمسرحية اللي كانت بطلتها ((هدى حسين)) ورحت الجمعية ..
المهم خلصت من الجمعية ورحت صوب المسرح والا اشوف وحدة تركض
جنها صاروخ تمشي بسررررعة جنة لاحقها جلب عزكم الله
..
وكان يهال يركضون وراها اعمارهم بين ال 5 و 12 سنة وصوتهم عالي ابلة هدى الله يخليج بصور معاج والثاني من
سرعة ركضتة خايف مايلحق عليها طاح دفترة وداستة اليهال لووول منظرهم يقطع القلب كلهم يركضون وراها المهم
ماردت على احد صكت باب السيارة بسرعة وقعدت تقولهم باي من ورا جامة السيارة وشخطت بالسيارة
..
ما أسمع الا طقة قوية على خلفية السيارة ..والا مراة كبيرة تطق دبة السيارة ببطل ماي والاشنو الاخت بغت تدعم يهال
واقفين ورا السيارة وصغااار وايد على شنو مستعيلة بتموت لو وقفت وسلمت عليهم والا هذي حركات شحاطة يعني انا الفنانة القديرة اللي صارلي مليون سنة امثل ؟؟
مع اني اشوف هدى حسين ماتصلح الحين لمسرح الاطفال كلش خلاص غبرتها واصلة للصين لووول
المهم الامهات يدعون وحالتهم حالة واسمعهم يسولفون وحدة قاعد تقول للي يمها بغت تدعم عيالنا!!
وترد عليها الثانية الشرهه علينا متعنين لها.... والثالثة تقولها هذي حركاتها من عرفناها للحين ماكبر عقلها!!
بصراحة انصدمت من الطريقة اللي تتعامل فيها مع الناس عيب مهما كان هذا سبب استمرارج لو لاهم ماصارلج اسم بالفن
اتمنى مرة ثانية تكتب على ظهرها " ممنوع الأقتراب " عشان توفر على نفسها حركات التشيحط المبالغ فيها
"من تواضع لله رفعة"
15 comments:
ما توقعت ان هذي سوالفها
مع ان الي اعرفه انها وااايد حبوبة ومتواضعه
كلش مو خوش حركة الي سوتها
الله يهديها بس
وصح كلامج هدى حسين قبل كانت مسرحياتها حلوة
بس الحين انا رحت لها مسرحيتين طبعا مع عيالي
مستواها كلش مو مثل قبل
هدى حسين احترق كرتها من بعد الغزو
ولايغركم اللي يمثلون بمسرح الطفل مو من حبهم للأطفال
الناس تمثل عشان الفلوس مو عشان عيون اليهال
صدمتيني !!
هالشي ان دل على شي فيدل انها تمثل بس عشان الفلوس ولا تقعد تكلك علينا وتقول احب الأطفال والطفوله
حلايا صبغتها اللي تذكرني بصبغة سجوده حرم المخروووم صدام
ترى المخروم مو بدليه مقصوده
للتوضيح فقط عشان في ناس تصيد بدليات هاليومين لوووول
بنت الكويت
انا اول عبالي طيبة وحبوبة وكل شي بس طلعت العكس..
انا والله عقب الغزو ماحضرت لها الا مسرحيتها اول مارجعت مو اهي اللي نعرفها قبل الغزو الناعمة الرقيقة لا هذى دفشة ..
Q80MINI:
صاجة والله يدورون الفلس وهذا اللي مخليها تقدم خرابيط..
Q8DOLL:
لووووووووول على طاري الصبغة يبا الحين اهون من قبل الله وكيلج مع الكشة حشاج جنها خروف هههههه
تمونين حجية بدلي على كيفج محد بيتصيدج انا ترس البوست بدليات هههههههه
هلا بالحبوبه عالية
تصدقين أني منصدمه من هالكلام؟؟
وماتوقعت ان هالأنسانه تسوي جذيه؟؟
هذا والناس قابطينها بعقل
والله أنها ماتستحي عاد علي اليهال
والله مساكين
ولو عندي ياهل والله ماادويه حق مسرحياتها
وخليها تعفن أهي واللي يروحلها بعد
:)
تحياتي لج
علوية
هلاااااا بالفراولة الغالية
اشتقت لطلتج الحلوة الصراحة
كلامج 100% مابعدة كلام
بس احنا نشوف الفنان بالشاشة كشكل شدرانا عن نفسيتة واخلاقة
مصيبة اذا الواحد الدنيا لاهيتة عن اخرتة!
مشكورة ياقلبي عالزيارة الحلوة وان شاء الله دوم
ihi raja'a m7ammad o bas 7g masra7 ila6fal
tathkronha ibthimtkom shofo masra7iyatha kilha thigil wi tikana wi i7tiram lilnas ili ga3da kbar wila 9'9ar 3omrha ma tirassisat fi ilhdom wla tidal3at 3la il7othoor, magol ila 7safah o bs 3la masra7 il6ifil:(
لوووووووووووول ياعاليه شنو هذا
خلصنا من قصصج اللى تهبل يتينا ابتعليقااات تينن ههههه
والله صاجه يزينج او يازيين بلوقج :*
انا ملقب بلقب خالف تعرف فلا تلوموني ان قلت ان المشكلة مو في هدى حسين
أعتقد معظم فنانينا للأسف مو مؤهلين أو مستعدين أو متثقفين بطريقة تجعلهم يكونون فنانين قدوة للآخرين
يعني تلقينه يمثل و الناس تحبه بس سلوكه برة التمثيل سيء و ما يراعي انه قدوة لأطفال راح يقلدونه
وايد منهم يسبون
وايد منهم غير لبقين في الكلام
وايد منهم يروحون اماكن غلط - حفلات و شقيق
يتصرفون تصرفات غلط من شرب و عربدة و يطلعون بالشارع سكارى
كل هالأمور جعلت من مهنة الفن مهنة سيئة السمعة و طيحت حظها
هدى حسين مادري شقصتها بذاك اليوم لكن المفروض انها مخضرمة و تتعامل بطريقة افضل
كأن الموضوع عن التجنيس
على العموم مثل هدى حسين شهرتهم اكتسبوها من اشرطة الفيديو والتيلفزيون والا خلف الكواليس حدّث ولا حرج
هي تفتخر بأنها صاحبة اطول عرض مسرحي للأطفال في مسرحية ليلى والذيب اللي استمرت 6 شهور
يعني منو قدها
salfa3ajeeba: نورتي المدونة حبيبتي والله
أم النمل: فديتج وفديت نملاتج يالغالية اشوف المدونة منورة...ويازينج ويازين طلتج علي ..
kila ma6goog: كلامك عدل والله الله يهديهم ومشكور
mishal: لووووووول كاااان زماااان والله حدها قديمة من اسمع اسمعها اتذكر الغزو!! ونورت المدونة بزيارتك وان شاء الله دووم
انا ما احب الفنانين عموما ولكن
للواقع
يمكن كانت مستعيلة او شى
بس عادى الشحاطة اذا مو حق هذيل حق منو؟
وبعدين عمرها الف ولى الحين تمثل حق يهال تلو هالمينن هاللى قاعدين يطامرون وبس
شفيها ساندرا بولوك
تركض ..هذا صدقت علبالها صج سندريلا
تبي طبجه تطيح منها !!!؟لول
يا عديمه الاحساس شنو فيها اذا وقفتي
حق طفل وكتبتيله ذكره حلوه والا كلمه
احبكم ،،راح تخلينه طول عمره يبتسم
اذا شاف الورقه والا ذكر هالموقف
ما قول الا طيح الله حظج والله
وشكوره وايد على انج بينتي حقيقتها
:)
Mishari: حياك الله اخوي وتسلم عالزيارة الحلوة وان شاء الله دوم
SolaimaN: مشكور على زيارتك الاولي لي واتمنى تتكرر صح لسااااااااانك صاج والله
Post a Comment