من عدة سنوات ايام بزوغ الكاتبة وداد الكواري,,كانت كثيرة لقاءاتها سواء بالمجلات او بالتلفزيون كان عندها مسلسل اسمة بعد الشتات يتكلم عن قضية البدون والزواج من عرب..اللي يشد الانتباه تكرار وداد لجملة" الكويت بلد البدون!! والكويت بخيلة بإعطاء عيالها الجناسي! زين انتي شكووو؟؟؟ يعني قطر الحين مافيها بدون؟؟؟المهم بدأت تتمادى وتقدم اعمال مستهلكة وكلها على نمط واحد الصراع عالمال جنة الشعب القطري افغانستان مو شعب قطري..ولما يسألونها عن الافكار الجريئة خصوصا قضية طرحتها بمسلسل بعد الشتات اللي اهي زواج سعاد عبدالله من ممثل مصري ماذكر اسمة,,جان اتقول باللقاء احنا بقطر الحمدلله احسن من غيرنا شوف الكويت شمسوية بعيالها حارمتهم الجنسية..المشكلة لما الواحد يتدخل فيما لايعنية.على فكرة اهي كانت ممثلة لكن فاشلة.عاد من فترة سمعت ان قطر جنست الفنان العراقي كاظم الساهر!!@! على أي اساس؟؟؟؟مولود بقطر؟ والا اعمال جليلة هههههههه
تخيلوة باجر بغترة وعقال ودشداشة ههههه
والله الخليج طماشة ذاك اليوم البحرين مجنسة اصالة!!شسالفة ليش جناسي الخليج صارت رخيصة جذي؟ولكل من هب ودب!
شي يغث اتمنى من وداد الكواري الكاتبة اللي مو نازلتلي من زور صراحة تتكلم عن الجنسية القطرية بدل مهاجمتها للكويت
7 comments:
لوووووووووووووووول يعطيج العافيه ياعاليه
هههههههههه ايه والله .. علي قولتج أفغانستاان ههههه
عاد أنا والله كنت أحبها بالذات عقب مسلسل مادري شسمه اللي تمثل فيه زهره عرفات والخرجي .. ويغني فيه عبدالمجييد ؟؟ والا مو لها ؟؟ امبله جنه قصتها ... المهم عاد الحين كرهتها ايه والله عيل ما بقي الا مادري منو يتحجي عن الكويت ....
صج لي قالوا ... ابحجر وانت يزاااز هههه
مشكله البدون او عديمي الجنسيه مشكله موجوده في كل دول العالم تقريبا
تدرين شنو المشكله؟
الكويت عليها العين
والاعلام ما يقصر
الكويت احتضنت البدون عمر وفتره طويله
ولما طالبت منهم اثبات اقامتهم المشروعه وعده شروط مهمة
اللي عجز عن اثباتها ما خذا الجنسيه
واللي اثبت خذاها بسهوله
وهذا حق من حقوق الكويت واهي تمارس سيادتها كأي دوله
حق وسياده ماحد له شغل فيها
!!
قطر من اكثر الدول اللي تعاني من هالمشكله بس الاعلام ما ابرزها بهالصورة ولكن طمطم عليها
وكل شي موجود بالكويت موجود بكل الخليج والدول
بس احنا مشكلتنا نتكلم
واحنا بروحنا من غير اعلام فاضحين كل مشاكلنا وطب وسب بهالديره واحنا عيالها
عكس اللي خبري وخبرج ديرتهم موريتهم الويل،واهم بغير حبها ما يتغنون
اشفيني انطلقت؟
اي لاني عصبت واحتريت على ديرتي
ويعطيج العافيه:)
مادري شفيهم قطر علينا هذي مو مقصرة فينا
وقناة الجزيرة الي يديرونها شيوخ قطر على طول الخط ضدنا
لو فيهم خير جان ما قلب الولد على ابوه الحاكم والسبة مرته
وجان ما صاروا اول ناس يدخلووون اليهود في الخليج
واذا بتتكلم عن البدون
احنا عندنا نااس خاشة جناسيها وتبي تتجنس عندنا
واحنا مو معطينهم
وما سوينه مثل ما اهمه سووه اسحبوا جنسية قبيله قطرية كاااملة
خل اطلع عيوووب ديرتها بالاول وعقب خل تتكلم عن غيرها
أم النمل
الله يعاااااافيج وبيت مكة يوديييييييييج
لووووووووول صاجة اخيتي
استكانة:
كفيتي ووفيتي يالغالية ونورتي المدونة وانشاءالله دايما تزورينا ونظيفج قهوة وحلو لووووول
بنت الكويت
اي والله استغفرلله جناسيهم لكل من هب ودب ولعيالهم لا صج تناقض
حياج الله ياقلبي يامنورتني
همممم بالنسبة لي فأنا من عشاق ومتابعي مسلسلاتها لانها صج حلوة وصج فيها جرأة بالطرح بس على الأقل ارحم ألف مرة وأشرف من المسلسلات الساخنة اللي قاعدة تنعرض بالكويت .. على الاقل اهيا ناقشة مشاكل الشذوذ بس بطريقة غير مباشرة والشاطر يفهم لكن عندنا ناقشوها بشكل مبالغ وجنه الشدود صح وماله داعي اتكلم أكثر وادش بمسلسلات فجر السعيد .. ككتابة أنا أحييها وكطرح بعد مشالله عليها ممتازة ..
قطر كدولة وعلاقتها بكل دول الخليج فأنا ماحبها .. الشي الوحيد اللي احبه فيهم اهوا مسلسلات الكواري والمقله
مشكلة البدون موجودة بالدنيا كلها مو بس بالكويت وفي ناس بدون صج يستاهلون وناس لا .. والإعلام الكويتي اهوا اللي برز البدون من جذي العين على ديرتنا دايما !! لأن إعلامنا وااااايد يبالغ بالقضايا وبشكل كبير ... أكيد عندهم نفس المشاكل بس ما يعطونها الأهمية والحجم اللي إعلامنا قاعد يعطيه من جذي بس نسمع كلمة بدون على طول تيي الكويت ببالنا ولا ترا البدون موجودين بكل مكان !!
وتوني اشوف صورتها واعرف اهيا منو يحليلها كانت تمثل في مسلسل اولاد بوجاسم
وإذا قطر مو زينة والجزيرة مو زينة واهيا ماغلطت لما قالت جذي .. ترا صج لاحظوا كل دول الخليج عادي ياخذون من برة ديرتهم بس عندنا احنا وااايد صعب والمجتمع رافض هالشي بشكل كبير ما اقول ان اهما لا بس احنا بزوووووود واللي ماخذة مو كويتي دايما ينظرون لها بنظرة سيئة !! للأسف
هذا التخلف بعينه :/
وبعد قانون عمل المرأة اليديد أحب أقولكم هنيئا بالتخلف ومبروك طريقنا إلى العالم الرابع بعد مو الثالث
وآسفة على الإطالة
هلا سااارونة
والله حبيبتي معاج حق احنا اعلامنا يبالغ بطرح القضايا
انا تكلمت عن وداد لانه اللي تسوية شي عيب تطلع بلقاء وتتكلم عن الكويت مع العلم محد طلب منها بس اهي تقول شوفوا الكويت
شفيها الكويت؟ليش الكويت ماصارت زينة بعينها الا عقب ماطلعت منها؟
اما بخصوص مسلسلاتها والله انا اشوفها بنمط واحد كلة ناس تتهاوش عالفلوس وكلة نصابين..
عموما حياج الله ياسارة وتشرفت بردج ومرورج حبيبتي
عالية مابيج تزعلين من ردي والله يحييج سس
هذي الكويت الكل محتر منها والعين دايما علينا :/
وانا مثلج ترا احتر لما احد يتكلم عن ديرتي وعسى يحفظ الكويت مو ناطرين تعليقاتهم
:)
Post a Comment