اجازة وراحة للنفس...اليوم اخترت البحر مع الاهل كمكان رايق وحلو وهادي....واحنا مارين حدا المطاعم والا اشوف بوستر شطولة شعرضة لوحدة جنها أنغام لوووووول يوم قربت والا منو رباااااب يحليلها اكشخت وتزقرتت صارت شحلوها وشزينها ردت 1000 سنة ورا
انا طبعاعشاق صوتهاأخذت دون تفكير ووصلت البيت سمعتة مرة ومرتين والا شي عجيب صراحة جم اغنيةشدتني لالحان والكلام والتوزيع وكلة...بس الشي الباايخ اهو اختنا مغنية اغنيتين بالمصري!!حدة موحلو
المهم الاغنية الاولى اخر قراري روووعة وايد ...والثانيةمااوصيك وقبل احبك ليما وصلت لااغنية هنت عندك
اغنية خطيرة وحلوة وايد وانا منسجمة اسمعها واهز براسي وادندن معاها طبعا الاغنية كلاسك وراايق اخر شي المهم والا الاخت فجأة شقحت وماأسمع الا اوووووووووووووووووووه يااااااااماااااااااااااااااااال واووووووووووووووة اووووووووووة يااااامال
الحين شعلاقة اوة يامال بأغنية هاادية تغنيها وحدة لحبيبها اللي خانها!!!طلعت عيوني بفهم مالعلاقة موعارفة اوووة يامال عاد؟شنو حبيبها خاينها مع سمجة!!؟؟وخصوصا اغاني البحر القديمة ماتصلح لمراة تغنيهم...للأمانة هالمقطع خرب حلاوة الاغنية والا كنا ماااشيين حلووو يارباااااب
الالبوم جميل ومنوع واتمنى تسمعونة لانة صج حلو لايطوفكم
وهذي كلمات اغنية هنت عندك
هنت عندك كيف عندي ماتهون :: وأنت من بديت ياعمري الجفا
ماهي معقولة احبك في جنون :: وابقى وافي وأنت ماعندك وفا
صدق إني كنت ماصدق تخون :: لين قلبي جاه منك ماكفى
كنت أحسبك مثل ماصنت بتصون :: واثر قلبك كان يجرح بالخفى
لاتحسب إني معك ببقى حنون :: دام أنا أعرفك عز المعرفة
أرحل وخلني بعد حبك أكون :: وحدي بدنياي لابرد ولادفا
لأجل عينك ياما ضحيت بعيون :: وقلبي منك من جروحة ماشفى
ياما أنا وياك أحسنت الظنون :: والنهاية منك الجرح أنزفة
كلمات : عبدالله بودله
الحان: حمد الخضر
9 comments:
الســ عليكم ــلام
اشلونج اختي شخبارج
ان شاء الله تكوني بخير
بصراحة الاغنية وايد حلوه
عجيبه
وانا من عشاق رباب
اما بنسبه حق شكلها
انا الحين صرت خبير تجميل
و خبير مكياج و ان شاء الله راح اخلص دراستي في عالم الازياء و الموضة
و مع الاسف راسب بالاكسسوارات
:(((((
ولكم باك
رباب مو انتي
رباب تغيرت ؟ :/
ورباب لها أغاني حلوة
بس من قديمها
اما يديدها ماسمعته :/
خسرتني للأبد
هلااااا وغلاااا والله تومانور المكان:)
لوووووول عيل دام هالمواهب عندك ليش ماتشارك بمس فاشن اللي عالال بي سي بدال قوت لوووووول
kila ma6goog
ههههههههه حلووووة ومقبوولة منك:p
نورت كالعادة
Aldenya
هلااا بحبيبتي الدنيااا
والله انا مثلج احب اسمع قديمها وايد حلو
بس صج هالالبوم تحفة انصحج تسمعينة
ونورتيني
مره عجبتني كلمات الاغنية
يسلموو
:)
والله زين في احد يسمع حق رباب والا العاده يقولولي انت شايب تسمع رباب
على العموم شريطها هالمره مو مثل الي طاف ومادري ليش مو منوعه بالملحنين اوكي شباب بس هم لازم اتنوع لان حرام هالصوت الجميل ما يبدع كما كان يبدع بالسابق
واووه يا مال مالها داعي بس حلوه هالاغنيه
ياقلبي ابتسم
يسلم عمرج ونورتيني بتواصلج وانشاءلله دوم
Eng_Q8
لابالعكس هالسنة وايد اوكي حتى انصدمت ماحصلت عند المحل الا نسخة وحدة بس واشوة انها من نصيبي!!بس مثل ماقلت الاغاني المصرية موشي بس صوتها رهيب
ونورتني بزيارتك الحلوة
Post a Comment