وقالت للولد يلا يمة نروح لبيت فلان..لأني قلت لهم ان احنا ياين نزوركم فقال الولد يمه..هذا البيت معروفين
بناتهم جياكر تكفين لااتوهقينا...فقالت اشفيك؟ انا سائله وحدة معرفة وثقة وقالت ان بناتهم ملكات جمال...فقال والله
أتذكر وحدة منهم كانت معاي بالجامعة ماكانت حلوة...يالله أمشي والله يستر ووصلوا البيت ودخلوا وشرفت البنت
واجلست معاهم وقالت الأم ها..شرأيك فيها موحلوة؟؟ قال والله ماشاءالله حلوة وايد..توكلي على الله وتم تحديد يوم عقد القران وصار
في اتصالات بينه وبينها وقالت له بصراحة أنا انسانة مؤمنة ودارسة شريعة وماأبي اغشك...قال قولي شفيج ترى طيحتي قلبي ..
قالت شوف ياولد الحلال ترى انا مسوية عمليات تجميل بإيران وسوريا...فقال يعني اشلون؟.... قالت له شفت خشمي سويت له عمليتين
وشفت حواجبي رافعتهم بكولاجين وخدودي بعد هاللي اتشوفها كلها نفخ وشفايفي على الخفيف نافختهم وشعري ملسته بماء الذهب(اليوكو) وبصراحة كان بإمكاني اسكت بس لمتى؟ لابد بيجي يوم ويبين كل شي وانا من غير مكياج اتبين الغرز حول خشمي ومومعقولة إذا تزوجنا بظل حاطه مكياج24 ساعة عشان اغطي هالغرز !! فغضب وتركها اسبوع ماتصل فيها واهلها دروا بالموضوع وعن اللي صار بينهم واتصلت ام الولد على ام البنت وصارت بينهم مشادات كلامية جارحة ولكن انا اجبتني البنت بإنها صريحة ولم تخدع الرجل رغم إخفاء اهلها هذا الامر وبعد مرور وقت على هذه المشكلة راجع نفسة الخطيب وقبل بها زوجة لرقي أخلاقها...
15 comments:
اهلا وسهلا بإستاذ البلاليط
الحقيقة اشتقت لتعليقاتك اللي فقدتها
نورتني وشرفتني مرة ثانية
وبالنسبة لموضوعك النساء يعشقون المظاهر وساعات الاهتمام الزائد يؤدي لتغيير الملامح من الاساس
كذلك النفسية..فهناك العديد من الحالات النفسية سببها عيوب خلقية
بالنهاية ياحلات الطبيعة
لول
قوية
ههههههه اشوة انها من مجلة:p
القصة بسيطة ولكن معناها عميق
الرجل بداية يحب يشوف الظاهر وهذا طبيعة بشرية لسبب بسيط ما راح اقدر احكم على شخصيتك الا لم اعاشرك لذلك الانطباع الاول يكون من الشكل وحتى لو هو خاطئ ولكن هذه هي الطبيعة البشرية
البنت يبدو انها استوسمت فى الولد الخير وفضلت الصدق
:)
وكانت النتيجة الحمدالله ايجابية
:)
أحترمت شخصية البنت
so strange...If she had a good Moral ..and religious studiies ,,how could She do that Plastic things ,,she should B faithfull and never seek 2 change her Looking.....the Mikiage will B 4 the staranger , while her Man will have 2 C the side Effect ..so 4 whom ..do women do that ????
it is strange from Both..she insulted herself as a Human..and he hesitated..
wait 2 read from U more and more,,,take care
:>
هالبنت نادرة
لأن الحين
قاموا البنات اذا سوو تجميل ما يقول حتى حق صديقاتهم وأهلهم
عشان يبينون ان هالتجميل رباني
هالمرة بتقول حق اللى بيخطبها
مو أقول لج
هالبنت نادرة
وأيضا بينت جانب الصراحة
إشلون يؤدي إلى نتجية مرضية
:>
يعطيج العافية يا عالية
موضوع مهم للغايه
للاسف اغلب البنات مايعترفون بانهم مسوين تجميل قبل الزواج
بس هذا غلط المفروض ان الزوج واهله يعرفون شفيها البنت قبل كل شي علشان ماينغشون
اهي صريحه وحلو انها ماقدررت تخذ اكثر وقالت الصج
والاجمل انه عاد لها
تسلمين يالغاليه وكلامج عين العقل
مساالورد والجوري
غاليتي الحبيبة
علويه
والله وحشتيني ووحشتني سواليفج
الجميلة
:)
صج الموضوع يحتاج للنقاش والوقوف امامه
وقفه جديه
وهالبنت نادر وجودها ومعدنها طيب
وبعدين علي قولت المثل
مالك الا خشمك لو كان عوي
ودمت ودامت ابداعاتج
:)
Mishari : تحليل جميل وبسيط ورائع
يعطيك العافية ونورت المدونة
غريب: واحترمت تعليقك الجميل:)
a Dreamer with feet on the Floor:
كلام جميل وسليم ولكن للضرورة احكام
والناس مخابر مو مناظر:)
Aldenya: كلامج جميل مثلج
نورتي المدونة حبيبتي والصراحة مطلوبة لان حبل الجذب قصير
Shaima'a Alkandari: بعد عمري شيوم اتشرفت بزيارتج الحلوة لي وتعليقج الاجمل ومابعد كلامج كلام :)
فراوله: مساء العسل والطيبة
ياطيبة الاصل..
انا بعد مشتاقتلج ومشتاقة لتعليقاتج الحلوة مثلج
ونورتيني
Post a Comment